Афористичарот од Скопје Васил Толевски ја доби првата награда на Конкурсот за најдобар афоризам што го распиша здружението Афористичка репрезентација на Македонија, под наслов „Луди и збунети“.
– Втората награда му припадна на Јане Атанасов и третата на Марјан Ангеловски, млад, надежен афористичар од Скопје, изјави Јане Атанасов, претседател на Здружението Афористичка репрезентација на Македонија.
На конкурсот учествувале 14 автори од Македонија, а победниците ги избра жири во состав Миле Ѓоргијоски, минатогодишен победник, Доне Донев и Никола Талески од Битола.
Жирито додели уште три награди – специјална награда за Наташа Ќурчинска и дипломи за Ристо Филчевски и Александар Кузмановски.
Специјалната плакета за истакнати личности кои придонеле за развој и промовирање на македонскиот хумор и сатира годинава ќе ја добие познатиот афористичар, хуморист, автор и поет Љупчо Силјановски.
Наградите и признанијата ќе бидат доделни на петтата Вечер на македонскиот афоризам, која ќе се одржи на 31 март во Центарот за култура „Бели мугри“ во Кочани.