Театарот за деца и младинци-Скопје вечер во Струмица ќе ја изведе претставата „Убавицата и ѕверот“. Ова е 300-та изведба, во чест на нивниот поранешен член Игор Маџиров, кој на овој датум пред 13 години прерано го загуби својот живот.
– Ова е значаен датум и во нашата историја и во историјата на македонскиот театар севкупно бидејќи со 300-тата изведба на првата детска театарска претстава нашиот театар им се придружува на останатите македонски театри, кои во минатото на својот репертоар имале претстава која била одиграна најмалку 300 пати, информира Театарот за деца и младинци-Скопје.