Во Кавадарци вечер се отвора традиционалната изложба „Млади ликовни уметници од Кавадарци и нивни гости“.
– Станува збор за традиционална годишна изложба, која првпат се случи во 2009 година. Акцентот и главниот принцип на изложбата е слободното творечко изразување, без ограничувања и без хиерархии. На изложбата досега имаат учествувано повеќе од 70 локални и регионални визуелни уметници, велат од КСП Подиум ЈАДРО Кавадарци.
Оваа година учествуваат Гоце Илиевски, Владимир Илиевски, Лина Дамјан, Доротеј Нешовски, Дора Пејич – Бах, Ања Илиева, Ненад Тонкин, Стефанија Милевска, Никола Иваноски, Ристо Јосифовски – Ромбо, Томи Соколов, Илија Дојков, Соња Ставрова, Сашко Илов, Игор Јосифов, Петар Петков, Трајче Јованов, Ивана Спироска, Дарко Алексовски, Симона Манчева и Цветанка Темкова Илова.
Дел од гостите на изложбата се и средношколците Тодорка Пејовска, Ненад Стојанов, Михаела Стојанова и Миа Кабранова, кои се поранешни ученици на Ристо Јосифовски-Ромбо.
Настанот се реализира како дел од проектот „Модели на јавно-цивилни партнерства: нов бран на културни политики и практики за ко-управување со заедничките добра“ финансиран од Министерството за култура на Република Северна Македонија.
Отворањето е со почеток од 18.30 часот во Музеј галерија Кавадарци.
– Се замолуваат сите кои сакаат да присуствуваат, да ги почитуваат мерките за заштита од ширење на вирусот предложени од Владата на Република Северна Македонија, стои во соопштението.