Во Народниот театар „Јордан Хаџи Константинов-Џинот“ вечер ќе гостува театарот „Сенки и облаци“ од Скопје, кој премиерно ќе ја изведе претставата „Приказни од ходникот“.
Таа на забавен начин едуцира за начините на кои се пренесува ХИВ/СИДА и за правилна заштита од сексуално преносливи болести. Петнаесет млади креативци низ театар на сенки создадоа приказни со цел да ја зголемат свеста кај младите за овој глобален проблем.
Од претставата ќе биде изработено видео кое фондацијата „MTV staying alive” ќе го дистрибуира преку својата мрежа за едукација на младите ширум светот.
Проектот е поддржан од Младинскиот културен центар-Скопје, невладината Х.Е.Р.А и Y-PEER Македонија.