Театар комедија со претстава на знаковен јазик за лицата со оштетен слух

Од:

Министерството за култура и НУ Театар Комедија, во соработка со Националното координативно тело за имплементација на Конвенцијата на ООН за правата на лицата со попреченост при Владата на Република Северна Македонија, започнаа со реализација на мерките предвидени во Акцискиот план по однос на Конвенцијата на ОН за правата на лицата со попреченост.

Утре на репертоарот на театарот Комедија ќе се прикажува Чеховата класика „Мечка“ (во режија на Димче Николовски), која ќе биде толкувана на знаковен јазик, со што претставата ќе можат да ја проследат и лица со оштетен слух.

Театар Комедија освен како најпосетуван театар во земјава, станува препознат и по својата посветеност во поглед на отстранувањето на бариерите кои ги спречуваат лицата со попреченост да уживаат во аудиовизуелните услуги што им се достапни на повеќето луѓе
во македонското општество.

Всушност, за прв пат во нашата земја, една театарска претстава ќе биде достапна и за глувите лица и непречено ќе можат да уживаат во придобивките на културните манифестации. Со овој чекор, Владата на Република Северна Македонија и Министерството за култура го признаваат и поддржуваат правото на овие лица на пристап до места за културни изведби, како што е наведено во Конвенцијата на ОН.

Националното координативно тело за имплементација на Конвенцијата на ОН за правата на лицата со попреченост, заедно со Министерството за култура ќе продолжат со своите напори и останатите национални и локални установи да продолжат со ангажирање на професионални толкувачи на знаковен јазик.

Истовремено, НУ Театар Комедија ги продолжува активностите во насока на подигнување на свеста преку промоција на содржини, во согласност со пристапот базиран на човековите права за лицата со попреченост. По предлог на Владата на РМ, во НУ Театар Комедија е предвидено да се вработи и постојан толкувач на знаковен јазик.

Би можело да ве интересира

Две претстави и многу смеа: Почна фестивалот „Гола месечина“ во општина Аеродром

Ана Ололовска

Разрешената директорка на Театар Комедија: Имав притисоци од министерката Стефоска да дадам оставка

Стефоска пред заминување ја разреши директорката на Театар комедија, по месец дена откако ја назначи

Кристијан Ландов

Стефоска ги информирала вработените во Театар комедија дека е објавен оглас за нов директор

А1он

Шаќири: Бев разрешена оти казнив вработен кој без образложение не доаѓаше на работа

Мери Јордановска

(ВИДЕО) Бунт на вработените во „Театар Комедија“: Доколку Нора Шаќири не е соодветен кадар, Дарко Спасов да биде в.д. директор

Ландов