Стрип центарот на Македонија – Велес објави нови стрип книги

Од:

Стрип центарот на Македонија – Велес објави стрип книги за „Кирил и Методиј“, за „Скендер Бег“ и сликовницата за деца „Лили и Вили“, како и два нови броја – 31 и 32 на списанието „Стрип креатор“.

Како што информира Томе Трајковски од СЦМ-Велес во бр 31 застапени се авторите: Тоде Блажевски (МК), Марко Стојановиќ (СРБ), Сабахудин Мурановиќ Муран(БИХ), Миле Топуз (МК), Василис Герку (ГР), Ване Трајков(МК), Оливер Цветковски(МК), Исмет Ердиќ(БИХ), Дејан Билокапиќ, Стефан Николовски (МК), Срѓан Николиќ-Пека(СРБ), Ана Марија Стефаноска (МК), Навид Булбулија (БИХ). Александра и Максим Ристески (МК). Свое место завзеде и подготвениот текст на познатиот Живојин Тамбуриќ со наслов „Поместување на границите, оместување на границите, отварање на прашања и ширење на просторот“ посветен на стриповите за Кен Паркер

Број 32 започнува со интервју коешто Александар Стеванов го направи со познатиот словенечки автор Исток Ситар, а освен него со свои стрипови застапени се авторите: Владимир Весовиќ (СРБ), Марко Ѓешка (ХР), Јана Бутеска (МК), Марко Стојановиќ (СРБ), Марко Серафимовиќ (СРБ), Ване Трајков (МК), Васко Гаврилов (МК), Емилија и Стојче Тоциновски (МК), Ана Циглар (СРБ), Диме Иванов-Димано (МК), Татјана Смиљанич и Зоран Јанковиќ, Андромеда Дасар (АЛБ), Иван Вељковиќ, (СРБ) Ефи Теодоропуло (ГР), Кирси Салонен (ФИН).

Трајковски потенцира дека списанието „Стрип креатор“ има најголем континуитет и затоа ги дочека и своите броеви 31 и 32.

– Тоа е единственото постојано стрип издание кај нас, оваа ревија има посебно значење бидејки токму овде доста македонски автори ги имаат објавувено своите први стрипови. Континирано се објавуваат наградените стрипови од Меѓународниот конкурс за стрип што Стрип центарот на Македонија – Велес го објавува секоја година, во рамките на Меѓународниот Салон на стрип, како и Интернационакната стрип колонија.Сметам дека кажаново е доволен аргумент Министерството за култура да продолжи со финансирањето на овие манифестации, единствени од ваков вид кај нас.

Трајковски информира дека стрип книгата „Скендер Бег“ македонско издание на издадениот стрип на Ѓон Марку го опфаќа периодот од детството на Ѓерг Кастриот до периодот кога станува Скендер бег – национален водач. Тој уште како мал се одликува со смелост и проникливост, но и со нагласени морални чувства на долг кон својот народ (желбата да му помогне на својот татко во битката против Турците). Токму тие морални особини на Скендер Бег се основна водилка на оваа стрип книга.

-Самиот факт дека авторот е Албанец, роден на просторите на поранешна СФРЈ, но истовремено човек кој е со светски манири, претставуваше дополнителен предизвик на издавачот да ја доближи деветата уметност кон албанската популација во Република Северна Македонија. Тоа ќе предизвика зголемена заинтересираност за позитивен пример за надминување на стереотипите кои постојат кон определени етнички колективитет, смета Трајковски.

Тој информира дека Стрип сликовницата „Лили и Вили“ го развива стрип издаваштвото наменето за деца и млади автори од земјава преку издавање на нова форма на стрип, стрип – сликовница. Оваа на прв поглед наивна приказна наменета за деца, во себе крие подлабоки филозофски размисли. Сценариото на Сребрена Трајкова – детски писател од Велес е сосема солидно нацртано од страна на младата и надежна илустраторка Ангела Петрушевска од Скопје.

Во стрип книгата за „Кирил и Методиј“ доајенот Миле Топуз продолжува со обработката на теми наменети за значајни историски личности и настани од историјата на македонскиот народ.

– Вреди да се потсети дека овој автор ги има објавено стриповите за „Цар Самуил“, (2016„) Цар Гаврил Радомир“( 2017) и „Хацон, Крал Пребонд, Климент Охридски“ (2018). Се надеваме дека другите министерства, пред се Министерството за образование, ќе го препознаат стрипот како свој „сојузник“ и овие изданија ќе се вклучат во формалното образование во земјава, смета Трајковски.

Информира дека сите стрип изданија може да се набават во Стрипарницата „БУНКЕР“ во Скопје.

Би можело да ве интересира

Првата награда за Александар Стеванов и Катерина Николовска-Тери на стрип фестивалот во Ваљево

Ана Ололовска

Најавен нов стрип-албум за Астерикс и Обеликс

Ана Ололовска

Завршна стрип-изложба на Стрип-центарoт на Македонија – Велес

Ана Ололовска

СЦМ-Велес со стрип изложба во Битола

Ана Ололовска

Распишан конкурс за „Лифт“ – стрип на годината

Ана Ололовска

Објавена книгата „Визуелна хроника на македонскиот стрип: 2000-2007“

Ана Ололовска