Специјална награда златна „Камера 300“ за Милчо Манчевски

Од:

Интернационалниот фестивал на филмска камера „Браќа Манаки“-Битола, специјалната награда златна „Камера 300“, за особен придонес во светската филмска уметност за 2017 година, ќе ја додели на македонскиот и светски режисер и сценарист Милчо Манчевски.

Во предвечерието на 38. фестивалско издание, организаторот информира дека наградата на Манчевски ќе му биде врачена на свеченото затворање на фестивалот.

Македонската историја исто колку и историјата на македонската кинематографија, доби сосема нова насока оној ден кога во Венеција, престижната статуетка „Златен лав“ отиде во рацете на Манчевски и уште повеќе оној ден кога Џерeми Ајронс на церемонијата на доделување на Оскарите, го изговори јасно и гласно името на македонскиот режисер и воедно името на нашата држава.

Милчо Манчевски, роден во Скопје, студира на Филозофскиот факултет во Скопје историја на уметноста и археологија, потоа заминува во САД и во 1983 година дипломира на Факултетот за филм и фотографија на Универзитетот во Јужен Илиноис. Покрај приложената филмографија, Манчевски е автор на книгата „Духот на мајка ми“, издадена во Њујорк, на текстови за бендот Бастион, сценарија за музички спотови и реклами, а се појавува и како актер во неколку кусометражни филмови, во два македонски играни филма и во една театарска претстава. Од 1985 до 1991 г. работи во Њујорк како камерман на документарни и наменски филмови, потоа како монтажер на документарци, асистент-сценарист за индустриски видеа, асистент-осветлител и помошник-режисер на спотови. Од 1994 соработува како режисер на проекти за сите седум холивудски студија. Во 1995 година Кинотеката на Болоња, Италија, ја организира првата ретроспектива на Манчевски. Добитник е на повеќе награди и признанија, меѓу кои за филмот „Пред дождот“, номинацијата за најголемата филмската награда Оскар за најдобар филм од странско говорно подрачје, наградата Златен лав за најдобар филм на Фестивалот во Венеција, потоа наградата Златен Чарли на Фестивалот во Монс, Белгија, како и Гран при на Фестивалот на фестивалите во Петроград.

Манчевски е автор на повеќе од шеесет филмски дела, кусометражни, играни и документарни филмови, видео-спотови, рекламни и долгометражни филмски сценарија, а најновиот негов филмски производ, краткиот филм „Крајот на времето“ премиерно ќе биде емитуван утревечер на ИФФК „Браќа Манаки“ во Битола.

Би можело да ве интересира

Venom 3 доби официјално име и датум на излегување

Предраг Петровиќ

Се снима краткиот игран филм „И покрај сè“

Филмот „Dune: The Second Part“ заработи над 200 милиони долари за само три дена

Уапсен маж осомничен за неовластена дистрибуција на филмот „Недела“

Бен Афлек го откри најлошиот филм во кариерата

Скорсезе снима нов филм за Исус кој нема да трае три часа: Се обидувам да ја доближам религијата до луѓето