Со премиера на претставата „Натан мудриот“ почна со работа Гостиварскиот театар

Од:

Со премиерната изведба на претставата „Натан мудриот“ од Готхолд Ефраим Лесинг, во режија на Сулејман Рушити, синоќа започна историјата на Гостиварскиот театар, соопштија од Министерството за култура.

Министерот за култура Хусни Исмаили, честитајќи го почетокот на работата на Гостиварскиот театар, истакна дека театарот е храм на јазикот и културата и ако не го поддржуваме, стануваме странци во сопствената душа.

– Театарот е место каде што се спроведува мисијата за расветлување на природата на човекот, неговите желби, одлуки, внатрешни и општествени соочувања во борбата за поголем духовен и праведен свет и место за најискрен дијалог со публиката, нагласил Исмаили.

Претставата „Натан мудриот“, чие дејствие се одвива во Ерусалим, промовира хуманизам и религиозна толеранција каде што се вкрстуваат повеќе елементи: театар на говор, театар на дижење, видеопроекција и анимација, караѓоз-театар…

Во претставата се говори на албански, македонски и на турски јазик со цел и јазично да се пренесе атмосферата на мултиетничкото и мултикултурно општество на тогашниот Ерусалим, но и универзалната и безвременска вредност на хуманото дело на Лесинг.

Во „Натан мудриот“ настапуваат Висар Вишка, Шеќерие Илјази, Дритон Лазами, Ариан Ејупи, Ајше Усеини, Сенад Абдули, Береда Решит, Елмир Сејфулаи и Вјолца Бафтиу-Зилбехари. Сценографијата е на Арѓент Караи, а костимите се дело на Инес Голја. Изведбата на музиката во живо е на Аднан Алиу (кавал) и Драган Матески (тапани), а дизајнот на светло на Илија Тарчуговски.

Би можело да ве интересира

Онлајн премиера на проектот Театарот во креативни индустрии – дисперзирана драматика во Скопје

А1он

Проектот „Патиштата на хероите“ на МНТ доби 395 илјади евра од ЕУ

Ана Ололовска

Монодрамата „Дневникот на лудиот“ вечер на отворено во Театар Куманово

Ана Ололовска

Монодрамата „Прво лице еднина“ вечер во дворот на кумановскиот театар

Ана Ололовска

Театарска претстава „Нови мерки, старо другарство” беше изведена во градскиот парк во Кавадарци

Ана Ололовска

„Нови мерки, старо другарство“, театар вечерва на отворено во Кавадарци

Ана Ололовска