Универзитетот „Гоце Делчев“-Штип ќе отвори Културен центар, во кој ќе има оддели за музичка, ликовна уметност, а свое место ќе имаат филмот и театарот.
Проректорот за инвестиции при УГД-Штип, Кирил Барбареев вели дека сите студенти и професори кои се дел од хуманистичките науки ќе бидат креатори на академската културна сцена.
– Во рамки на универзитетскиот Културен центар планирано е создавање на ликовно, оперско студио, потоа на академски хор, кој деновиве ќе биде промовиран, создавање на академски оркестар и создавање на студија од различен карактер, рече Барбареев.
Тој посочи дека во рамки на Културниот центар ќе биде и фестивалот „Култра“, кој почнува од оваа вечер во Мултимедијалниот центар. Во рамки на третото издание на фестивалот „Култра“ ќе се прикажат 30 проекции на краток фил и неколку театарски претстави.