Во склоп на годинешната програма на Министерството за култура на Македонија-дел за визуелни уметности, Стрип центарот на Македонија- Велес го имплементира проектот: „МУРАЛОТ КАКО КУЛТУРНА И ТУРИСТИЧКА ЗНАМЕНИТОСТ ВО ВЕЛЕС 2020 г “
„Ова е вторпат Министерството за култура да поддржи ваков проект од наша страна, но СЦМ досега веќе има изработено 5 мурали на фасади во градот .Овие стрип мурали, први од ваков вид во Македонија, се протегаат на различни локации и се вистинска атракција како за жителите на Велес, но ја збогува и неговата туристичка понуда.Праксата на цртање на мурали е многу честа во светот, посебно е интересен градот Ангулем/Франција откаде ги добивме првичните идеи и искуства .
Врз основ на истите искуства и оваа година ќе се изработи стрип мурал на површина од 33м/2. Овојпат мотив за цртање на мурал е КРАЛЕ МАРКО и се работи на веќе познатата локација во близина на Градскиот саат ,мегу два веке изработени мурали .Се работи со акрилни фасадни бои и специјални четки од страна на веќе воиграниот тим: Ване Трајков(како главен цртач) и Анита Гочева и Горан Мазнев(асистенти) .
Праксата на изработка на мурали низ Велес ќе продолжи и натаму, во склад со финансиската поддршка од државата и др.донатори. Оваа уметност е веќе прифатена помегу граѓаните на Велес , нивните коментари при поминување низ оваа прометна улица го докажуваат тоа.Се надеваме дека интерес за овој тип на творештво ќе се пројави и низ други градови од државата“, изјави Томе Трајков-координатор на проектот.