Самостојната изложба на Верина Николова Суважон насловена „Љубов“е отворена синоќа во Галерија „КО-РА“ во Ј.У.Дом на култура „Кочо Рацин“ Скопје,
Изложбата на цртежи, графики и колажи презентира 46 дела од повеќе фази на младата уметница.
-Оваа изложба со обилство специфична изразна лексика, преполна со неочекувани изразни сегменти е насловена „ЉУБОВ“ .Изложбата посочува повеќе разнородни парадигми посочувајќи ја демистификацијата во осознавањето на релациите кои се секогаш едниствени и неповторливи кои вечно остануваат енигма мистифицирана до ниво на мит и култ исконски поврзуван со поимот Љубов како комплексен и многузначен феномен. Никогаш целосно доосознаена, љубовта претставува неисцрпен предизвик за осознавање, разоткривање и најразнородно интерпретирање, вели Виолета Калиќ кон изложбата на Верина Николова.
Ова е прва саностојна изложба на уметницата, а ќе биде отворена до 14 декември годинава.
Верина Николова е родена 1988 година во Скопје. Завршила Факултет за ликовни уметности, во класата на проф. Зоран Јакимовски во 2011 година. Член е на Друштвото на македонските уметници, ДЛУМ,од 2011. Студиски патувања има реализирано во Италија, Холандија, Белгија, Германија, Австрија, Шпанија, Португалија, Чешка,повеќе престои во Франција. Учествувала на голем број групни изложби во земјата и надвор.Од 2011 година живее и работи во Франција.