Самостојна изложба „Магијата на цветовите“ на Tасим Кадрија во Софија

Од:

Самостојна изложба „Магијата на цветовите“ на Tасим Кадрија ќе биде отворена денеска во галеријата на КИЦ на РСМ во Софија.

Изложбата е составена од над триесет ликовни дела од областа на сликарството со кои авторот, со внесување на повеќе колорит, се обидува да изгради позитивен поглед кон светот и животот.

Tасим Кадрија е роден во Слупчане во Северна Македонија. Основното училиште го завршил во „Јета е ре“, а средното образование го завршил во Куманово, во гимназијата „Гоце Делчев“.

Во 2006 година се запишал на Факултетот за ликовна уметност при универзитетот „Св. Кирил и Методиј“ во Скопје и завршил „Сликарство“.

Вработен е како наставник по ликовно образование во основното училиште „Фаик Коница“ во село Слупчане.

Свои три самостојни изложби во 2017 година поставил во бугарските градови Варна и Карлово.

Има учества во групни изложби во Скопје, Куманово, Кавадарци, Гостивар, како и во Слупчане. учествувал и во изложби низ градовите на Бугарија: Софија, Велико Трново, Смолјан, Јамбол, Севлиево и град Елена.

Изложбата е дел од Годишната програма на Културно-информативниот центар на РСМ во Софија, потпомогната од Министерството за култура на Северна Македонија, а ќе биде отворена до 10 септември годинава.

Би можело да ве интересира

Изложба на академскиот сликар Валентина Поцеска во “Галерија Метаноја“

Отворање на изложба „Кобалт Синергија“ во МКЦ

Горан Наумовски

Отворање на изложбата „Носиме уметност“

Отворање на изложба на скулптури „Зодијак” на Митко Дамјановски

Изложба на Ване Костуранов – „Таен премин кон Месечината“

Архитектонска изложба „Скопје на новата генерација“