Романот „Златни обетки за Марија“ од Петко Шипинкаровски е објавен во Бугарија, во издание на „Нима“ ЕООД од Плевен, преведен од Вања Ангелова, професор на Великотрновскиот универзитет.
Романот во 2011 година ја доби наградата „Струшко изгрејсонце“ што ја доделуваат книгоиздателството „Феникс“ и фондацијата „Македонија презент“ за најдобра книга за деца и млади.
Шипинкаровски е член на Друштвото на писателите на Македонија. Негови прозни и поетски трудови се преведувани и објавувани на повеќе јазици.
Основач и организатор е на меѓународната манифестација „Струшки книжевни средби“ и главен и одговорен уредник на списанието за литература, култура и наука „Бранувања“ кое се објавува во Струга.