Романот „Љубовна саботажа“ објавен на македонски јазик

Од:

Издавачката куќа „Антолог“ од Скопје го објави романот „Љубовна саботажа“ од белгиската писателка Амели Нотомб.

dobivaj vesti na viber

„Љубовна саботажа“ е најпознатиот роман на писателката што во своите дела ги бара смислата на животот и местото на човекот во општеството, и тоа преку биографски фикции претставени како реалност. Преводот на македонски е на Маргарита Терзијан-Маленкова.

Дали знаете дека комунистичка земја е онаа каде што се користат вентилатори? И дека од 1972 до 1975 година беснеела мала светска војна во едно гето во Пекинг? Дека велосипедот, всушност, е коњ? Дека штом ќе помине пубертетот, сè друго е само епилог? Ќе дознаете и многу други нешта во овој редок роман, епски, забавен, фантастичен и трагичен, кој раскажува вистинска љубовна приказна што ќе ги згрее и најстудените срца.

Со оваа книга, Амели Нотомб стана најнадежното име на младата книжевна генерација. Многумина сметаат дека тоа е нејзината најдобра книга, а еве и зошто: ова е драма што глуми роман. Секоја реченица може да се искаже како реплика или да се изрецитира како стих. Се чини дека го напишала во тотална екстаза, од прв до последен збор, во еден креативен здив. Според „Вашингтон тајмс“, овој роман е книга што „се чита со задоволство“.

Книгата е објавена со поддршка на програмата Креативна Европа на Европската Унија.

Амели Нотомб (родена 1966) е белгиска писателка. Потекнува од истакнато семејство на политичари и дипломати. Уште од најмала возраст живеела во Јапонија, Кина, Њујорк, Бангладеш, Бурма, Обединетото Кралство и на Лаос. Првиот роман го објавила во 1992 година и оттогаш речиси секоја година објавува книга. Со кралски проглас во 2015 година е прогласена за бароница.

Би можело да ве интересира

Промоција на книгата „Луѓенца“ од Лилјана Пандева

Ана Ололовска

Историскиот роман „Се викам црвена“ од Орхан Памук излезе од печат во издание на „Арс Ламина“

Ана Ололовска

Објавена „Алгоритмеа“, прва поема „напишана“ од вештачка интелигенција според стилот на Стефан Марковски

Ана Ололовска

Промоција на книгата „Глава што лебди“ од Марија Ангеловска

Ана Ололовска

Излезе книгата „Јазикот е чудна ѕверка“ на Марина Костова

Ана Ололовска

Претседателот Пендаровски ја прими добитничката на наградата „Роман на годината“, Симона Јованоска

Ана Ололовска

Leave a Comment

17 + fourteen =