Ристо Василевски и Веле Смилевски македонски учесници на Московскиот фестивал на словенските поезии

Од:

Вчера во Москва заврши Дванаесеттиот меѓународен фестивал на словенските поезии на кој учествуваа и македонските поети Ристо Василевски и Веле Смилевски.

– Годинашниот фестивал, одржан во онлајн издание, со поетски читања и дебати, беше посветен на новите трендови во словенските поезии, на интензивирање на соработката и меѓусебното преведување, како и на можното проширување на творечките контакти преку писателските асоцијации во словенските земји, информираат македонските учесници.

Покрај македонските поети Ристо Василевски и Веле Смилевски, на фестивалот, меѓу другите, настапија и Радомир Андриќ и Љубиша Симиќ од Србија, Алекс Бадак и Валериј Липневич од Белорусија, Цветка Бевц од Словенија, Елка Наголова од Бугарија, Будимир Дубак и Радомир Уљаревиќ од Црна Гора, Рената Цинаг од Полска, Теодор Крижка од Словачка, како и Вјачеслав Купријанов, Ирина Ковалева, Евгениј Чигрин и Ала Шешкен од Русија.

– Основач и уметнички раководител на Фестивалот на словенските поезии е познатиот руски поет Сергеј Главјук, составувач на десеттоманата антологија на словенските поезии објавена на руски јазик. Избор од поезијата на Главјук е објавен на македонски јазик во превод и со предговор на Гане Тодоровски. Овој поет е од редот на плејадата светски автори учесници на Струшките вечери на поезијата, истакнуваат нашите учесници.

Би можело да ве интересира

Велешкиот клуб на писатели „Коста Солев Рацин“ на 12. Поетско-сатирична вечер ги собра поетите од повеќе македонски градови

Ана Ололовска

Промоција на „Математичка поезија“ од Даниела Андоновска-Трајковска

Ана Ололовска

Поезија од Тетјана и Сергиј Ѕјуба во издание на „Макавеј“

Ана Ололовска

Промоција на „Меч од мечти“ – збирка песни од Диме Данов

Ана Ололовска

Во Струмица се одржа поетска вечер „Зборот на Конески“

Ана Ололовска

Промовирана поетската збирка „Литературни искри“ 2021

Ана Ололовска