„Риголето“ вечер на програмата на 47. Мајски оперски вечери

Од:

Операта „Риголето“, едно од ремек делата на Џузепе Верди ќе биде изведена вечер на сцената на Македонската опера и балет во рамки на 47. Мајски оперски вечери.

Режијата е на Нина Најденова од Бугарија, а диригент е Алесандро Д’Агостини од Италија, кој и е добро познат на македонската публика, диригент со импозантна кариера низ голем број европски оперски куќи.

Во главните улоги ќе настапат гостите од Италија – баритонот Алберто Гаѕале како Риголето и сопранот со префинета вокална техника, Линда Кампанела како Џилда. Гаѕале бележи блескава кариера со репертоар кој вклучува над 70 улоги, а настапува во Миланската Скала, Виенската „Штац“ опера, Арена ди Верона како и во повеќето претижни оперски куќи низ Европа. Кампанела, пак, е редовен гостин на најпрестижните меѓународни оперски куќи настапувајќи низ целиот свет, а покрај тоа е наставник по вокална техника и интерпретација на Вокалната Академија во Торино.

Во улогата на Војводата од Матова ќе настапи Ифрим Космин од Романија, Владимир Саздовски како Спарафучил и Ирена Кавкалевска како Мадалена.

Би можело да ве интересира

Јапонски грант за Националната опера и балет

Ана Ололовска

Премиера на обновената „Кармен“ со Ирена Кавкалеска во насловната улога

Ана Ололовска

Премиера на обновената опера „Кармен“

Ана Ололовска

Пласидо Доминго веќе не е директор на Операта на Лос Анџелес

Ана Ололовска

Барокната опера „Дидо и Енеј“ постави платформа со нови естетски вредности

Ана Ололовска

Операта „Дидо и Енеј“ од Хенри Персл во Филхармонија

Ана Ололовска