Ретроспективна изложба на Жарко Јакимовски во Музејот на Град Скопје

Од:

Во Музејот на Град Скопје вечерва ќе биде отворена ретроспективна изложба на македонскиот сликар Жарко Јакимовски. Ова е прво вакво ретроспективно претставување на творештвото на Јакимовски со ваков карактер, при што ќе бидат презентирани дела од сите главни фази во неговото сликарско и цртачко творештво.

Жарко Јакимовски (1948) е доајен на македонската ликовна уметност, активен на полето на ликовната уметност речиси 50 години. Добитник е на бројни награди и признанија, меѓу кои Награда за цртеж „Климент Охридски“, Награда за сликарство „Лазар Личеноски“, Награда за сликарство „Нерешки мајстори“ и Гран при на ДЛУМ на Четвртиот зимски салон.

Јакимовски студирал на Академијата за ликовни уметности во Љубљана (1970-1974), кај професорите Габриел Стубица, Јанез Берник и др., односно кај врвни мајстори од познатата традиција на љубљанската школа, од кои секако можел да ги прими сликарските вештини, пред сѐ цртежот како дисциплина, што понатаму е евидентно во неговото творештво. Индиректно, особено низ студиски престои во Холандија, Франција, Германија…, го „образувале“ големите мајстори на светската историја на уметноста, но и неисцрпната македонска ликовна традиција – средновековното фрескосликарство и иконопис. Во целото негово творештво можат да се видат назнаки за влијанија од тие европски искуства и секојдневни анализи на големите ремек-дела, но и на македонското традиционално, иконографско искуство во коешто уметникот наоѓа една извонредна врска – сликарството од Курбиново и фреските на Михаил и Евтихиј.

Би можело да ве интересира

Во Делчево изложба на дела од Лесновската ликовна колонија

Ана Ололовска

Во Куманово изложба на македонската наива

Ана Ололовска

Изложба „Навезени спомени“ во чест на Блаже Конески

Ана Ололовска

Изложба на дигитални графики од студентите од Факултетот за ликовни уметности

Изложба „Преку планината: или за двата паралелни неолитски света на Слатина – Зелениково и Церје – Говрлево“

Самостојна изложба на Афердита Кики во Тетово

А1он