Работилници за мозаик со уметникот Никола Упевче отворени во Охрид

Од:

Академскиот уметник Никола Упевче во рамки на неговата самостојна изложба што до 7 август е поставена во Лапидариумот на Куќата на Робевци во Охрид, од среда ќе одржува и работилници за мозаик, организирани за поедеинци и за помали групи лица заинтересирани за тој вид уметност.

На работилниците е предвидено да се изработуваат помали фрагменти мозаици, најразлични дела, сето зависно од креативноста на посетителите, секако со почитување на строгите мерки на претпазливост и на препораките за лична заштита.

– Секој што ќе биде дел од тие работилници ќе може да донесе свој материјал, но секако и да користат и некои од материјалите што ни се тука на располагање. Можат да соберат камчиња од плажа, сè она што имаат или сметаат дека може да биде интересно како материјал, а јас ќе се обидам да им ја доближам оваа благородна техника на учесниците и заинтересираните, изјави Упевче за МИА.

Инаку, од 24 јули во Лапидариумот во Охрид е поставена самостојна изложба со авторски креации на Упевче, оригинални дела, како и репродукции на изведени дела печатени во формат 1:1, работени во изминатите 22 години. Во рамки на изложбата се претставни и мозаици на кои уметникот има работено како конзерватор и реставратор на мозаичното културно наследство од Охрид и околината.

Би можело да ве интересира

Почина сликарот Таки Павловски

Ана Ололовска

Утре започнува шестото издание на мултимедијалниот фестивал ArtArea/Артерија

Ана Ололовска

Започна 15-та јубилејна Меѓународна графичка работилница „Софија“ во Богданци

Ана Ололовска

Зоран Попоски изложува на Месецот на дигитална уметност во Париз

Ана Ололовска

Изложба на проширено кино „Терански Фрагменти“

Ана Ололовска

Избрани четворицата финалисти за наградата ДЕНЕС за млад визуелен уметник до 35 години

Ана Ололовска