Прва самостојна изложба на Душан Стефановски

Од:

Во Галеријата на Младинскиот културен центар вечер од 20 часот ќе биде отворена прва самостојна изложба на Душан Стефановски, насловена „Потиснат потенцијал“.

Според рецензентката Ангела Витановска, насловот на изложбата неслучајно е „Потиснат потенцијал“, а Стефановски преку своите колоритни дела упатува токму на потиснатиот потенцијал на овие уметнички форми и практики.

– Интенцијата е да укаже на можноста за алтернатива во галерискиот простор, но истовремено и обратно, да ја доближи урбаната стрит-арт сцена до едно институционално рамниште, наведува Витановска, историчар на уметноста.

Душан Стефановски (1996) е визуелен уметник од Скопје. Оваа година дипломирал на Факултетот за ликовни уметности (отсек графика), а претходно завршил ликовно образование во средното уметничко училиште „Лазар Личеноски“ во Скопје. Од 2011 година е дел од графити-сцената во Скопје.

– Неговата уметност е апстрактна лична експресија, која е создадена со материјали што се типично користени за графити-уметност, што се додава на уникатноста на неговиот веќе уникатен визуелен јазик, соопшти МКЦ по повод отворањето на изложбата на Стефановски, додавајќи дека мерките за претпазливост се строго почитувани.

Би можело да ве интересира

Изложба на академскиот сликар Валентина Поцеска во “Галерија Метаноја“

Отворање на изложба „Кобалт Синергија“ во МКЦ

Горан Наумовски

Отворање на изложбата „Носиме уметност“

Отворање на изложба на скулптури „Зодијак” на Митко Дамјановски

Изложба на Ване Костуранов – „Таен премин кон Месечината“

Архитектонска изложба „Скопје на новата генерација“