Прва изведба на „Актер-човек“ на Интернационалниот театар во Приштина

Од:

Алтернативниот театарски перформанс „Актер човек“, што една година е активен во Скопје, од 19 декември ќе биде на редовниот репертоар на Интернационалниот театар во Приштина „Фарук Беголи”. Публика ќе има можност да ја гледа претставата еднаш месечно.

Актерите ќе играат на англиски јазик, но и на својот мајчин јазик. Како што соопштуваат организаторите, ова е првиот алтернативен проект што станува дел од репертоарот на институција која е вон нашата држава.

„Актер човек“ беше дел од фестивалот на камерна драма „Ристо Шишков”, каде ја освои наградата на НЕТА за Истражување на тајните на актерското мајсторство. На интернационалното гостување во Словенија во Постојна ја освои наградата за најдобар алтернативен перформанс, а на Интернационалниот фестивал во Приштина, Томе Станковски ја доби наградата за најдобро актерско остварување, се наведува во соопштението на театарскиот перформанс.

Автор и режисер на претставата е Теа Беговска. Играат Томе Станковски, Теа Беговска и Даријан Петров, а автор на музиката е Енес Беговски.

Би можело да ве интересира

Новата сезона во „Комедија“ и МНТ од оваа недела, во Драмски од наредната

Ана Ололовска

Театар Комедија лани имал рекордна посетеност

Ана Ололовска

Претставата „Галеб“ патува во Пекинг, на фестивалот „Средба во Пекинг“

Ана Ололовска

Јубилеј на Турски театар без нов објект, очекува пари за фасада и покрив

Ана Ололовска

„Девојчето со кибритчиња“ – премиера на Турски театар-Скопје

Ана Ололовска

Театарските претстави за деца на репертоарот на Народен театар – Битола

Ана Ололовска