Промовирана најновата стихозбирка „Тивко како молитва“ на Сузана Мицева

Од:

Синоќа во Струмица беше промовирана најновата стихозборка „Тивко како молитва“ на поетесата и новинарка Сузана Мицева, во издание на „Просветно дело“.

На промоцијата беше кажано дека четвртата стихозбирка на Мицева наликува на циклично патување во внатрешните светови на поетското јас, но таа вели дека се инспирирани од бегалската сага.

-Пишувачите обично трагаат по инспирација, ги истражуваат темите за кои што сакаат да пишуваат. Мене едноставно ми се случи бегалската криза. Најпрво гледајќи го тоа човечко кршење, судбинско распатување на два континента, имав отпор да пишувам. И одеднаш низ нив гледав деца, оставени домови, птици кои умираат во летот, скршени соништа. И молитвените, исповедни песни сами се родија, изјави Сузана Мицева.

Покрај промоцијата на книгата, синоќа беше прикажан и кусиот поетски филм „Бегство“ што Мицева го изработи со снимателот Кире Пиличев, кој е автор на видео материјалот.

Мицева ги има добиено наградите „Антологија на болката“, Меѓународната литературна награда за поезија „Лирични гласови“ за 2018 година во Софија, Бугарија и „Горан Бујиќ“ на Хрватското книжевно друштво од Задар.

Би можело да ве интересира

„Возови на смртта“ нова збирка песни на Зоран Пејковски

Ана Ололовска

Хусто Хорхе Падрон застапен во новото издание на битолски „Современи дијалози“

Ана Ололовска

Конкурс за најдобра песна на „Празник на липите 2020“

Ана Ололовска

Трет фестивал на поезија за деца „Стихувалки 2020“

Ана Ололовска

Објавена книгата „Поеми“ на поетот Глигор Стојковски

Ана Ололовска

Поетите Михаил Ренџов и Мирослав Биелик добитници на „Книжевен жезол“ за 2020 година

Ана Ололовска