Промовиран првиот детски театарски практикум „Од игра до претстава“ од Игор Ивковиќ и Афродита Кирјаковска

Од:

Во Младинскиот центар „Матично“ денеска беше промовиран првиот театарски практикум во земјава насловен „Од игра до претстава“ од авторите Игор Ивковиќ и Афродита Кирјаковска.

dobivaj vesti na viber

Практикумот е наменет за деца од предучилишна и училишна возраст, за нивните обучувачи, наставници, со што ќе ги поттикнат креативноста, личните емоционални, интелектуални и социјални компетенции кај децата и младите. Содржи стотина практични театарски игри, поделени во осум тематски целини. Секоја игра се состои од наслов, за што е корисна, опис, препорака или можни варијации и препорачани внимателности.

Промотори на изданието беа актерката, режисерка, пантомимичар и театарски едукатор Снежана Коневска и Милка Тримчевска, наставник по македонски јазик со долгогодишна педагошка и едукативна пракса. Соработник на практикумот е актерката Ирена Илиевска која работела на составување на вежбите за глас, говор и дикција, а уредник на изданието е Миодраг Костиќ.

Сите игри во практикумот се применувани во десет годишната едукативна пракса на училиштето за театар „Од игра до претстава“. Проектот е поддржан од Министерството за култура.

Практикумот од понеделник ќе биде достапен во поголеми книжарници во Скопје, а до крајот на месецот ќе биде достапен и во другите градови.

Би можело да ве интересира

Премиера на претставата „Разведи ме“ во Скопје

Ана Ололовска

50-та изведба на претставата „Странци“ во Драмски театар Скопје

Ана Ололовска

Нова куклена претстава на репертоарот на Н.У. Театар за деца и младинци

Ана Ололовска

Подготовки за претставата „Народен непријател“ – премиера во рамките на проектот „Патиштата на хероите“

Ана Ололовска

Премиера на „Горчливите солзи на Петра фон Кант“ во МНТ

Ана Ололовска

„Идиот“ во режија на Андреј Цветановски имаше премиера во Нови Сад

Ана Ололовска