Промоцијата на стихозбирката „Збунети компаси“ од Зоран Анчевски

Од:

Вечерва во кафе-книжарницата „Буква“ во 20 часот ќе се одржи промоцијата на стихозбирката „Збунети компаси“ од Зоран Анчевски. Се работи за 10 книга во едицијата „Поеза“ на издавачката куќа ИЛИ-ИЛИ. Промотор на изданието е Владимир Мартиновски.

dobivaj vesti na viber

Збирката поезија „Збунети компаси“ од Зоран Анчевски се состои од пет циклуси песни кои градат многу занимливи меѓусебни врски, но и деликатни, дискретни, а суштински врски со претходното поетско творештво на Анчевски. Првиот циклус ги поставува поетичките начела и креда на поетот, а четирите циклуси што следат ги разработуваат истите во најразлични детали, ситуации и контексти. Завршниот циклус, пак, наместо да прави заклучоци и поетски „резимеа“ на изнесените начела, всушност, многу умешно и мудро, го враќа читателот на почетокот и бара нов прочит на книгата.

За стихозбирката, Оливера Ќорвезироска напиша: „Збунети компаси“ е отстојана збирка во најубава смисла на зборот. Раскошна лексика, прибирање на загубените зборови и чување во песна. Нема поубав начин од тоа за еден јазик. За едно пеење. Ибришими, коткања, забели… и едночудо други лексички длабења во слоевиот поетски јазик“.

Зоран Анчевски (1954) е поет, есеист, литературен преведувач и професор по англо-американска литература. Своето образование го стекнал во Македонија и во САД. Досега ги има објавено стихозбирките Патувања низ скршени слики (1984), Стратегија на поразот (1994), Линија на отпорот (1998), Превод на мртвите (2000) Див мир (2004), Избрани песни / Selected Poems (2008, изданија на македонски и на англиски јазик), Историја на ветрот, 2009), Небесна пантомима (2018, Celestial Pantomime, издание на англиски јазик, СВП 2019), како и обемната критичко-теоретска студија За традицијата (2007). Автор е, приредувач и уредник на голем број поетски антологии, избори и прозни дела на врвни светски автори на македонски јазик. За своето творештво ја има добиено наградата Студентски збор, за најдобра дебитантска книга (1985), „Браќа Миладиновци“ за најдобра поетска книга меѓу две СВП (2018) и престижното меѓународно признание за поезија Ѓакомо Леопарди (Реканати, Италија, 2004). За својата преведувачка дејност ја има добиено наградата Григор Прличев на Друштвото на литературни преведувачи (2001). Член е на ДПМ и на Македонскиот ПЕН центар, чиј секретар бил во два наврата, а сега е негов актуелен претседател. Од 2003-2007 година бил претседател на Управниот одбор на меѓународниот фестивал „Струшки вечери на поезијата“, а сега е член на Уметничкиот совет на фестивалот.

Би можело да ве интересира

Музичка промоција на стихозбирката „До сто и една и назад“ од Марко Виденовиќ

Ана Ололовска

Вечер на стихови на два јазика

Ана Ололовска

„Едно лето во Охрид“ – стихозбирка од Саво Костадиновски, поет иселеник во Германија

Ана Ололовска

Трајче Кацаров е лауреатот на наградата „Григор Прличев“ за најдобра поема за 2021 година

А1он

„Кршлива, скршена и други начини како да се стане цела“, англиско-хрватска збирка на стружанката Бистра Кумбароска

Ана Ололовска

Римското списание Нуови аргоменти во чест на Ацо Шопов

Ана Ололовска