Промоција на збирка поезија „Инкубација на песната“ од Маја Којчева – Величкова во Неготино

Од:

Промоција на третата збирка поезија „Инкубација на песната“ од Маја Којчева – Величкова ќе се одржи вечер на Спомен костурницата во Неготино.

Маја Којчева-Величкова е родена во 1983 година и живее во Неготино. Од најмали години омилени ѝ се „игрите со зборот“, па како резултат на тоа во 2002 година ја објавува својата прва збирка поезија „Блесокот на сончевината“, чии рецензенти се писателите Томе и Тамара Арсовски.

Со нејзината втора збирка „Јас vol. 2 – Мравка“ (2010), каде рецензенти се проф. д-р Весна Мојсова-Чепишевска и проф. д-р Јасна Котеска, влезе во потесниот круг за добивање на наградата „Браќа Миладиновци“ на Струшките вечери на поезијата во 2011 година.

Таа беше дел и од литературно читање на млади автори во Друштвото на писателите на Македонија (ноември, 2011), а нејзина поезија е застапена и во алманахот на поетскиот клуб „Мугри“ (2004, 2005, 2006), во литературното списание „Стожер“, „Акт“, „Ш“, „Синтези“, „Бранувања“, како и на веб-страницата на меѓународното Движење 100 000 поети за промена и Движењето за мир.

Авторката е застапена и во Антологијата на најмладата македонска поезија „Ветерот носи убаво време“ (2012), како и во Антологијата на авангардна поезија (2013).

Добитник е на неколку литературни награди и признанија меѓу кои и наградата „Илинденска повелба“ за литературно творештво.

Особено е горда на членството во жири-комисиите за конкурсите „Моето поинакво другарче“ и „Компјутерот, мојот прозорец кон светот“.

Има објавувано статии и текстови во „Вечер“ и билтенот на „Скопско лето“, а се појавува и како уредник и автор на текстови за веб-страницата „Кафе пауза“.

Во 2012 година успешно ја одбрани магистерската теза „Постмодернизмот и македонското женско писмо“ на Филолошкиот факултет „Блаже Конески“ во Скопје.

Би можело да ве интересира

Литературниот клуб „Кирил Пејчиновиќ“ Тетово распиша конкурс за најдобра необјавена песна

Ана Ололовска

Објавен поетски зборник „Литературно шаренило на Балканот“

Ана Ололовска

„Дневник број 13“ – трета стихозбирка на Надица Караколева

Ана Ололовска

„Од оваа страна“, нова поетска книга од Весна Ацевска

Ана Ололовска

Објавена дебитантската поетска книга на Стефан Костоски „Гирланда“

Ана Ололовска

Промоција на „101 сонет од една чудна пролет“ од Владимир Мартиновски

Ана Ололовска