Во паркот пред Културно-информативен центар – Скопје денеска ќе бидат промовирани книгите „Волшебната авантура” и „Одмаздата на богомолката” од Оља Петрушевска -Томева.
Оља Петрушевска Томева, дипломиран правник и магистар по европско право и интеграции. „Волшебната авантура“, раскази за деца е прва литературна обајава на Оља Петрушевска Томева. Книгата ја сочинуваат два расказа, едниот насловен „Волшебната авантура“ како што е и насловот на книгата, а другиот „Јас, Ана и нашето детство“.
„Одмаздата на богомолката“, пак, е роман за возрасни во кој авторката преку светот на илузијата раскажува за болката и љубовта.
Книгите ќе ги промовира Татјана Гогоска, водител ќе биде Елена Максимовска, а предвидена е и драмска игра на Марко и Филип Томеви.
Промоцијата ќе биде пренесувана на LIVE STREAM на ФБ страница на КИЦ – Скопје.