Промоција на книгата „Средни години“ од словенечкиот поет Алеш Мустар

Од:

Во рамки на „Малиот новогодишен саем на книга“ вечерва ќе биде промовирана книгата „Средни години“ од словенечкиот поет Алеш Мустар, во издание на издавачката куќа „Или-Или“, а во препев од словенечки на Лидија Димковска.

Низ разговор со авторот, како што информираат од „Или-или“, книгата ќе ја претстават Александра Јуруковска и Лидија Димковска.

Алеш Мустар (1968, Љубљана) е поет и преведувач. Дипломирал англиски јазик и книжевност, како и педагогија на Универзитетот во Љубљана, а докторирал од областа на романската драматургија на Универзитетот во Букурешт, Романија.

Преведува романска и македонска книжевност на словенечки јазик. Ја објавил поетската збирка „Суд(бин)ско толкување“ (2005), која беше номинирана за најдобра дебитантска поетска збирка, препеана на македонски („Блесок“, 2007) и на англиски („Блат букс“, 2008). Неговата втора поетска збирка „Средни години“ излезе во 2017 г. и беше номинирана за најголемите поетски награди во Словенија: „Јенко“ и „Вероника“, а од страна на критиката беше избрана и за критичко–поетскиот фестивал „Прангер“.

Неговите песни се застапени во повеќе антологии, а учествувал на поетски читања и фестивали во САД, Данска, Чешка, Холандија, Романија, Македонија, Хрватска и др. Алеш Мустар се занимава и со алтернативен театар, стои во соопштението.

Би можело да ве интересира

Во Косово објавена книгата „Крстна коска“ од Наташа Сарџоска

Ана Ололовска

Почина писателот и новинарот Петко Шипинкаровски

Ана Ололовска

Промоција на збирката раскази „Приказни на тивок оган“

Ана Ололовска

38 дела во конкуренција за Роман на годината

Ана Ололовска

Шилегов: 2020 да биде година на Славко Јаневски

Ана Ололовска

Поетско читање по повод 100 години од раѓањето на Славко Јаневски

Ана Ололовска