Писателот и поет за деца Наум Попески денеска напладне во Вевчани ќе ја промовира неговата нова поетска збирка за деца „Дувни, дувни ветренце“.
Попески вели дека сакал промоцијата да биде на неговиот роденден и во неговото родно место затоа што Вевчани му е инспирација за делата и му посветил голем број песни за детството, планинските извори, природните убавини на планината Јабланица и неговото школување во тамошното основно училиште.
Попески е автор на 20 книги за деца, а најпознат е по „Бонтон за деца“ објавена пред 20 години.