Презентација и предавање на Стеларк во Музејот на современата уметност

Од:

На 26 октомври, сабота, со почеток во 18.00 часот, во четвртата сала на Музејот на Современата Уметност во Скопје предавање ќе одржи СТЕЛАРК. Предавањето е насловено „Контигентни и дискуталбилни иднини: од физичко до фантомско тело“. Како дел од неговото предавање Стеларк визуелно ќе прикаже дел од неговите проекти.

Стеларк е еден од најзначајните уметници во светот кој работи во сферата на технологијата и визуелната уметност. Тој е перформативен уметник кој визуелно го преиспитува и акустично надоградува своето тело. Преку користење различни медицински инструменти, протези, роботика, системи за виртуелна реалност, интернет и биотехнологија произведува нивни непосредни и спонтани поврзувања со самото тело. Во оваа насока, Стеларк прави истражувања на „алтернативни анатомски архитектури“, кои подразбираат зголемувања и издолжувања на различни телесни конструкции.

Стеларк ги има изведено перформансите Трета дланка, Продолжена рака, Виртуелна рака, Стомачна скулптура и Екоскелт, како и Робот со шест нозе. Неговите перформанси, Фрактално месо, Звучно тело и Паразит се однесуваат на спонтани, управувани од дистанца разнообразни движења на телото преку електрична стимулација на мускулите. Делото Протетичка глава е телесна направа, која зборува и одговара на прашања од соговорник. Конечно, Стеларк хируршки конструира Трето уво на неговата рака со цел истото да биде поврзано и оспособено како акустичен орган за комуникација.

Би можело да ве интересира

Почина сликарот Таки Павловски

Ана Ололовска

Утре започнува шестото издание на мултимедијалниот фестивал ArtArea/Артерија

Ана Ололовска

Започна 15-та јубилејна Меѓународна графичка работилница „Софија“ во Богданци

Ана Ололовска

Зоран Попоски изложува на Месецот на дигитална уметност во Париз

Ана Ололовска

Изложба на проширено кино „Терански Фрагменти“

Ана Ололовска

Избрани четворицата финалисти за наградата ДЕНЕС за млад визуелен уметник до 35 години

Ана Ололовска