Во Кинотеката на Македонија вечер премиерно ќе биде прикажан краткиот игран филм „Шумарот“ во режија на Изер Алиу, во продукција на „Веда филмс“ од Скопје и Норвешката филмска школа од Лилехамер.
„Шумарот“ (To Guard A Mоuntain) е 25-минутна семејна драма која го тематизира односот татко – син. Улогите во филмот ги толкуваат 11-годишниот Бесим Муртезани, шестгодишниот Алтин Аџани и актерот Бурхам Амити во улога на таткото.
Филмот, кој е поддржан од Филмскиот фонд на Македонија, ја доби наградата АМАНДА и е прогласен за најдобар краток филм на Интернационалниот фимски фестивал во Берген, Норвешка.