Краткиот средношколски игран филм „Вистината за Бади“ денеска ќе има онлајн премиера, со почеток во 18 часот на официјалната ФБ фан страна на Центар Мултус. https://www.facebook.com/
Филмот е во продукција на Центар за едукација, култура и активизам Мултус од Гевгелија и ученици од СОУ „Јосиф Јосифовски“ Гевгелија и е работен како дел од проектот „Сите вистини на вестa“.
– Филмот го работевме со голем ентузијазам од вклучените средношколци. Оваа активност беше вметната во проектот со две цели – да се прикаже потенцијалната штета на медиумските манипулации и да се даде шанса на гевгелиските средношколци да се вклучат во ваков предизвик и да создадат филм. Се надеваме дека некој од нив ќе остане со овој интерес и дека ќе го одбере токму овој правец за своја кариера, изјавија од Центар Мултус.
Проектот „Сите вистини на веста“ е дел од проектот Со критичко мислење до граѓани со медиумска умешност – КриТинк, спроведуван од Фондација Метаморфозис и Еуротинк – Центар за европски стратегии.