Премиера на филмот „Синиот час“ на 13-ти јули во МКЦ парк кино

Од:

Продуцентската куќа Кавал филм Ве известува дека на 13-ти јули, среда во 21 часот во МКЦ парк кино, во рамките на фестивалот на европски филм“ Cinedays”, ќе се одржи премиера на краткометражниот игран филм “Синиот час” посценарио и во режија на Ана Јакимска.

dobivaj vesti na viber

„Синиот час” е копродукција на Кавал филм од Скопје со Круг филм и Филмс за нас. Филмот е финансиски поддржан од Агенцијата за филм на Република С. Македонија.

„Синиот час” е приказна за Петра, девојка со потекло од мало провинциско гратче, која живее и работи во Скопје каде успеала да се избори за своето место, да се интегрира во урбаната средина и да се реализира на професионален план. Во обидот да ги оствари своите соништа за иднината и на љубовен план, за време на предновогодишната забава организирана од компанијата во која работи, таа се впушта во романтична авантура со колегата кој ѝ се допаѓа. Но, во исто време во посета ѝ доаѓа нејзината мајка. Ова совпаѓање на настаните го става на тест односот помеѓу мајката и ќерката. Преку нивниот однос и внатрешните превирања на Петра, филмот го отсликува и судирот помеѓу два различни концепта на живеење, модерните текови на животот во Скопје, како главен град в о подем, и конзервативните убедувања на луѓето доселени од внатрешноста на земјата во транзициските 90-ти години од минатиот век.

Улогите во филмот ги толкуваат: Наташа Петровиќ, Жаклина Стевковска, Дарко Набаков и Тамара Ристоска.

Директор на фотографија е Дејан Димески, сценограф – Симо Бранов, монтажер – Горјан Атанасов, дизајнер на звук – Игор Поповски, композитор – Тони Китановски, костимограф – Жаклина Крстевска и шминкер – Жанета Димитриевска.

Продуцент на филмот е Роберт Јазаџиски, а копродуценти се Дејан Крајчевски и Павлина Проевска.

Би можело да ве интересира

Заврши 21 издание на „Синедејс“

Ана Ололовска

Филмот „Мими“ вечерва го отвора Меѓународниот фестивал на европски филм „Синедејс“

Горан Наумовски

Започнува меѓународниот фестивал на европски филм – CINEDAYS

Отворање на Синедејс 2022 со македонската премиера на играниот филм „Мими“

Ана Ололовска

Загревање за Cinedays – Европско патувачко кино под отворено небо

Ана Ололовска

Вечер на Синедејс филмови од Серебреников, Верховен, Нику и Чанг во Гала програмата

Ана Ололовска