Драмското студио при Националната установа Центар за култура „Иљо Антески-Смок“ во Тетово денеска пред публиката ќе се претстави со драмската пиеса „Магична кутија“ по текст на Сотираќ Гушо.
-Изведбата на пиесата е во рамки на културните активности и годишната програма на Центарот за култура за тековната 2021 година. Претствата ќе се изведе во големата сала денеска и утре (вторник и среда) од 18:30 часот, информираат од Центарот за култура во Тетово.
Режијата на пиесата е на Марко Богдановски, а улогите ги толкуваат Глигорче Стојановски, Игор Бачовски, Ева Спировска, Симон Стојановски и Левко Богдановски.