Посета на Спомен-домот на Конески во Небрегово во рамки на Отворените денови на Институтот за македонски јазик

Од:

Шестите Отворени денови на Институтот за македонски јазик „Крсте Мисирков“ денеска ќе завршат со организирана посета на Спомен-домот на Блаже Конески во Небрегово и на подновената училница во којашто учел Конески.

Ќе се обрати претседателот на државата Стево Пендаровски, кој е покровител на настанот, како и проф. д-р Елена Јованова-Грујовска, директорка на Институтот за македонски јазик „Крсте Мисирков“ и проф. д-р Људмил Спасов, досегашен претседател на Советот за македонски јазик при Владата.

Претходно, во Институтот за старословенска култура во Прилеп ќе бидат претставени изданија на оваа научна установа.

Шестите Отворени денови на Институтот за македонски јазик, кои се одржуваат од 18 до 22 октомври 2021, опфатија и дводневна меѓународна научна конференција „Македонскиот јазик – извор на научни истржувања“, како и 25-тите „Денови на Благоја Корубин“ со научен собир „Благоја Корубин – втемелувач на македонскиот стандарден јазик. Јазикот во практиката“.

Годинава Отворените денови се во знакот на еден век од раѓањето на Блаже Конески и 95 години од смртта на патронот на Институтот за македонски јазик – Крсте Мисирков, како и 30 години од независноста на државата.

Би можело да ве интересира

Донесен Законот за употреба на македонскиот јазик кој ќе го замени досегашниот стар 25 години

Костадиновска-Стојчевска: Македонскиот јазик не е и нема да биде прашање за преговори или компромиси

Мојсова-Чепишевска: Уште утре треба да почне новото поглавје на развојот на македонистиката во Риека

Ана Ололовска

Институции и културно-историски знаменитости вечерва ќе бидат обоени во чест на македонскиот јазик

Ана Ололовска

Чествување на македонскиот јазик во УКИМ, доделени признанија за придонес за афирмација на македонистиката

Манифестација „Денови на Благоја Корубин“

Ана Ололовска