Почнува фестивалот „Албански театар во Македонија“

Од:

Во Дебар денеска почнува 19-то издание на фестивалот „Албански театар во Македонија“, кој наместо во Центарот за култура како досега, поради пандемијата со Ковид-19 ќе се одржи на отворено, во дворот на основното општинско училиште „Саит Најдени“.

На фестивалот ќе учествуваат три театарски куќи од Тирана и една од Фиер, Албанија, една од Приштина, Косово, како и по една од Тетово и од Скопје.

Фестивалот ќе трае шест дена, а го отвора Театарската продукција ДВШ од Тирана со претставата „Не зборувам, не гледам, не слушам“, во режија на Донард и Дрини Хасани.

-Чувството на задоволство е огромно што ја продолжуваме традицијата на одржување на фестивалот, бидејќи поради паднемијата беше доведено во прашање неговото одржување. Имаме квалитетни театарски куќи и претстави, кои се надевам ќе и се допаднат на дебарската публика, која и тоа како знае да оцени што е добра претстава. Годинава имаме голема, како никогаш досега подршка од локалната власт и градоначалникот Хекуран Дука, за што сме многу благодарни, изјави Илбер Нуредини, директор на фестивалот.

Фестивалот ќе биде затворен на 29 септември со претставата „Бела жалост“ во режија на Милто Кутали, а во изведба на театарот „Булис“ од албанскиот град Фиер. Потоа ќе следува доделувањето на наградите за најдобра претстава, режија, актер и актерка.

Одржувањето на фестивалот како и изминатите изданија и овој пат финаниски е подржано од Министертвото за култура, од локалната власт, како и неколку компании.

Би можело да ве интересира

Светски ден на театарот, бесплатни претстави во Скопје

(ВИДЕО) Српски актер го прекина настапот поради жена која телефонираше: Немам нерви како коњ

Предраг Петровиќ

Во Битола премиера на театарската претстава „Вујко Вања“

Предраг Петровиќ

Премиера на „Петар Пан“ во Струга, средствата од влезниците хуманитарно за Бојан

Ана Ололовска

По повеќе од 30 години прво гостување на македонски театар на сцената на Народниот театар во Албанија

Ана Ололовска

Музички спектакл на четири млади актерки во Јавна соба – „Girls night“

Ана Ололовска