„Патот на успехот”, прва книга за истакнати иселеници во македонската дијаспора

Од:

Објавена е книга „Патот на успехот“ посветена на истакнати иселеници во македонската дијаспора. Проектот е заедничка соработка на Агенцијата за иселеништво во соработка со Симона Ристевска, а со поддршка на Министерството за култура. На проектот што првпат се реализира во Агенцијата за ислеништво се работело во изминатите две години.

– „Патот на успехот” е промотивна книга за успешните Македонци во македонската дијаспора, кои во потрага по своја лична афирмација надвор од земјата на своето потекло, ја афирмираат и неа самата, вели Ристевска во пишана изјава.

Книгата на 130 страници содржи 39 интервјуа со истакнати и афирмирани Македонци во дијаспората.

– Темелните и опсежните разговори, беа преточени во промотивни интервјуа, кои се светол пример за успешни и реализирани личности во средните на нивното живеење, како и патоказ и поттик за идни успешни млади генерации. Една од неколкуте цели за создавањето на „Патот на успехот”, e и промоција на успешните Македонците во матичната земја. Во овие 39 интервјуа се застапени разговори со познати македонски бизнисмени, уметници, доктори, правници, економисти, студенти, спортисти, 39 личности со сјајни и посебно мотивирачки приказни. „Патот на успехот” е галерија на успешни македонски иселеници, наведува Ристевска.

Најавува дека проектот „ Патот на успехот”, ќе продолжи и понатаму во иста или изменета форма, но оти ќе ја задржи главната цел, афирмација на Република Северна Македонија преку афирмација на нашите иселеници.

Би можело да ве интересира

„Трамунтана“ од Шпанија ја објави сликовницата „Џиновска продавница за фантазии“

Ана Ололовска

Промоција на книгата „Нека играат децата“ од Денис Бојаров

Ана Ололовска

Објавена книгата урбани есеи „Медиумот што недостасува“ од Томислав Османли

Ана Ололовска

Славој Жижек: Влеговме во војна со „Пандемија“ и идеите дека ќе заврши набрзо се утопистички

Ана Ололовска

Објавена „Лирската биографија на Конески“ од Атанас Вангелов

Ана Ололовска

Промоција на хумореската „Ѕврчки“, прв културен настан во време на пандемија во Делчево

Ана Ололовска