„Палјачи“ репризно во вторник, НОБ му ја посветува операта на Фимчо Муратовски

Од:

Националната опера и балет соопшти дека поради голем интерес, во вторник, 5 октомври, репризно ќе ја изведе операта „Палјачи“ од Руџеро Леонкавало, која вчера беше премиерно прикажана. Режисер е Дејан Прошев, а диригент Бисера Чадловска.

– Ремек-делото на веризмот, опера за љубов, неверство, убиство… Националната опера и балет му ја посветува на маестро Фимчо Муратовски, честитајќи му го јубилејниот 90-ти роденден и посакувајќи уште долго, со своето будно следење на приликите, да биде нејзина поддршка. Во својата долгогодишна уметничка кариера, проф. Муратовски диригирал 850 оперски и балетски претстави, од кои дел ги поставил и како премиери и праизведби, оставајќипри тоа голема трага во развојот на културата и уметноста, соопшти НОБ.

Настапуваат хорот и оркестарот на Националната опера и балет, со оперските солисти Ѓорѓи Цуцковски, Дешира Ахмети-Крлиу, Борис Трајанов, Дејан Стоев и Ристе Велков, и балетските Ендру Кук од Англија, Агим Бафтии и Меланија Гоцевска. Сценограф на претставата е Илина Ангеловска, костимограф Никола Булески, кореограф Олга Панго.

Би можело да ве интересира

ВИДЕО: Италијанското оперско пеење доби статус на културно наследство на УНЕСКО

Предраг Петровиќ

Оперската претстава „Турандот“ од Џакомо Пучини во Национална опера и балет

Предраг Петровиќ

Успешен настап на Националната опера и балет во Народниот театар во Белград со „Севилскиот берберин“

Ана Ололовска

Традиционален Гала оперски концерт по повод празникот „Василица“ 2023

Ана Ололовска

„Палјачи“ од Руџеро Леонкавало во Национална опера и балет

Во Националната опера и балет ќе се изведе операта „Кавалерија рустикана“ од Пјетро Маскањи

Горан Наумовски