Во Изложбениот салон – Империјал 1, денеска во 16 часот ќе биде отворена изложба на слики насловена „Излез од темнината“ од Сашо Милевски, информираат од Ју Културно Информативен Центар – Скопје.
На изложбата ќе бидат изложени 25 дела работени во техника акрилик на платно, создадени 2019 – 2021 година од Сашо Милевски, роден 1987 година во Битола. Милевски дипломирал „Електротехника и информациски технологии“ во Скопје 2012 год. На истиот факултет завршил постдипломски студии во 2013 година. Со сликарство активно се занимава од 2015 година.
Изложбата, како што информираат од центарот, ќе биде отворена до 28 април 2021 година.