Осмата сесија на Филмската училница посветена на анимираниот филм

Од:

Под менторство на филмската и ТВ режисерка Марија Џиџева, учесниците на осмата сесија на Филмската училница разгледуваа идеи и дефинирање на сценаријата што ќе ги реализираат како видео-етиди.

Како што соопштија од Кинотека на Република Северна Македонија, предавањата на осмата сесија биле фокусирани на анимираниот филм.

-Учесниците најпрвин имаа можност да погледнат пет наслови на автори од познатото Студио за анимиран филм на „Вардар филм“ од неговата „златна ера“ – седумдесеттите и осумдесеттите години од минатиот век. Се работи за наградуваните анимирани филмови ЕМБРИО No. М (првиот македонски анимиран филм) и АДАМ (5 до 12) на Петар Глигоровски, потоа ОТПОР на Боро ПејчиновРАКА на Дарко Марковиќ и АПАРТМАН на Афродита Марковиќ, се вели во соопштението.

Учесниците биле дел и од филмската работилница со авторите на анимирани филмови од новата генерација, Жарко Иванов и Крсте Господиновски, вонреден професор на Универзитетот за аудиовизуелни уметности ЕВРОПА ПРИМА (ЕСРА).

Проектот е финансиран од Министерството за култура. Во неговата реализација учествуваат и Владимир Ангелов, Александра Младеновиќ, Дамјана Ивановска, Бојан Станишиќ, Лидија Христовa, Миле Миленковски, Александар Василевски, Тихомир Кашмицовски, Игор Старделов, Стојан Синадинов…

Би можело да ве интересира

Ревија филмови на Митко Панов

Ана Ололовска

Филмови на Митко Панов во Кинотека од 8 до 10 декември

Ана Ололовска

Промоција на книга и проекција на филм на Вим Вендерс во Кинотека

Ана Ололовска

Неделава три изложби во Кинотеката

Ана Ололовска

Два филма вечерва во Кинотеката во рамки на ноемвриската програма

Ана Ололовска

Четврта сесија на Филмската училница, учесниците запознати со основите на филмот

Ана Ололовска