Онлајн-промоција на романот „Курвински хроники“ на Александар Русјаков

Од:

„Арс Либрис“ (дел од „Арс Ламина – публикации“) вечер од 19 часот онлајн на платформата Зум и преку фејсбук-страницата на „Литература.мк“ ќе ја промовира новата книга на Александар Русјаков, насловена „Курвински хроники“, со поднаслов „Роман сошиен од шест парчиња време“.

Оваа, петта книга на Русјаков, минатата година влезе во потесниот избор за наградата „Пегаз“ за најдобар необјавен роман, што втора година по ред ја организира издавачката куќа „Арс Ламина“. Првата, необработена верзија на романот беше високооценета од жирито, по што доби можност за објавување од издавачката куќа.

– „Курвински хроники“ ме ’малтретираше‘ неколку години, вовлекувајќи ми се меѓу свеста и совеста. Овие хроники се плод на долгогодишно истражување на женските колена и колкови среде модната писта на човечката гротеска исткаена од лажен морал и искрено лицемерство. Не сакам да пренесувам пораки. Тоа си е работа на читателот. Некои ќе извлечат порака, некои поука, а некои може да го извлечат и подебелиот крај, вели авторот Русјаков.

Александар Русјаков дипломирал на Факултетот за драмски уметности, катедра за филмска и ТВ-режија. Одлучил да не се занимава со снимање филмови затоа што, вели, многу подобро ја познава граматиката на книжевноста, отколку на филмот.

Покрај авторот, на видеопромоцијата ќе зборуваат и уредничката на книгата Бисера Бендевска и промоторката Маријана Котевска.

Би можело да ве интересира

„Трамунтана“ од Шпанија ја објави сликовницата „Џиновска продавница за фантазии“

Ана Ололовска

Промоција на книгата „Нека играат децата“ од Денис Бојаров

Ана Ололовска

Објавена книгата урбани есеи „Медиумот што недостасува“ од Томислав Османли

Ана Ололовска

Славој Жижек: Влеговме во војна со „Пандемија“ и идеите дека ќе заврши набрзо се утопистички

Ана Ололовска

Објавена „Лирската биографија на Конески“ од Атанас Вангелов

Ана Ололовска

Промоција на хумореската „Ѕврчки“, прв културен настан во време на пандемија во Делчево

Ана Ололовска