Охридско лето дел од најголемиот културен собир во Лисабон

Најголемата и најзначајната музичко-сценска манифестација во Македонија – фестивалот „Охридско лето“, од 14-ти до 17-ти овој месец се презентира на Генерално собрание на Европската фестивалска асоцијација (ЕФА) што се одржува во Лисабон, Португалија.

Директорката на Охридско лето Наташа Поповиќ и претседателката на Управниот одбор, Нина Момировска, во рамките на посетата ќе остварат средба со претседателот на ЕФА, Јан Бриерс, како и со претставници на останатите европски фестивали-членки на Асоцијацијата.

-Токму на најголемиот собир на кој присуствува културната елита од Европа и светот ќе ја истакнеме нашата успешната приказна. Пред европските делегати уште еднаш ќе потенцираме дека „Охридско лето“ ги негува културните високи уметнички дострели според европските и светските стандарди. Конференцијата е одлична можност да се престави Фестивалот „Охридско лето“ во најдобро светло но исто така и прилика на првите луѓе на ЕФА да им бидат врачени официјални покани за присуство на претстојното 59-то фестивалско издание, вели Поповиќ.

Според официјалната агенда од 14 до 17-ти се одржува уметнички самит на фестивалите додека на 15-ти е официјалното отворање на годинешново 67-мо генерално собрание на ЕФА.

ЕФА асоцијацијата вклучува 100 фестивали од 40 земји. Фестивалот „Охридско лето“ од 1994 година е значаен партнер на Асоцијацијата.

Би можело да ве интересира

Драмата „Каде е пиштолот“ на Народниот театар од Охрид вечерва на „Охридско лето“

Вечер на ЕУ – Импресивен настап на финскиот пијанист Мустонен

Ана Ололовска

„Либертанго“ – приказна за љубовта, страста, силните емоции

Ана Ололовска

Концерт и две изложби денеска на програмата на „Охридско лето“

Ана Ололовска

Концертот на финскиот пијанист Мустонен е одложен во 21 часот

Ана Ололовска

Марјановски: Публиката на „Охридско лето“ не е монотона како онаа во големите концертни сали

Ана Ололовска