Од понеделник 24. Меѓународен театарски фестивал – Денови на комедија во театарот во Куманово

Од:

НУЦК „Трајко Прокопиев“ и годинава го организира меѓународниот фестивал „Денови на комедија“, кој ќе почне на 27 септември, соопштија надлежните од установата на денешната прес-конференција.

Публиката и покрај строгите здравствени протоколи поради актуелната пандемија, ќе има можност да проследи комедии од театри од државата и земјите од регионот. Фестивалот во понеделникот ќе го отвори Драмски театар Скопје со претставата „Партија реми“. На првата фестивалска вечер ќе биде доделена и наградата „Васил Иљоски“ на актерката Стојна Костовска.

– Целосно сме подготвени, запазени се сите епидемиолошки мерки во салата како што налагаат моменталните здравствени протоколи и сигурни сме и се надеваме дека и оваа година ќе имаме успешен фестивал. Тоа го докажавме и минатата година дека можеме да организираме фестивал и во вакви околности. Сега капацитетот на салата е триесет проценти исполнетост од местата-изјави, директорот на установата, Сашо Тодоровски.

Поради пандемијата и протоколите, театарот од Бугарија го откажал гостувањето, a поради здравствени причини на дел од актерите, неизвесно е и учеството на кумановскиот театар, кој традиционално го затвора фестивалот.

Од 670 места во салата, во продажба ќе бидат пуштени во продажба околу 200 билети согласно ковид протоколите, а цената ќе биде 150 денари. Продажбата за првите три претстави ќе почне во понеделник, а дополнително ќе бидат пуштени билетите за останатите претстави. Тодоровски нагласи дека поради епидемиолошката состојба можно е да има измени.

– Свесни сме дека живееме во време на пандемија, но се бориме, целата институција застанува зад фестивалот и макотрпно работи овој фестивал да се претстави во најдобро можно светло, изјави актерката Владанка Димковска.

И годинава фестивалот доби поддршка Министерството за култура од чиј буџет се издвоени 700.000 денари и 300.000 денари од буџетот на Општина Куманово.

Би можело да ве интересира

Дилер од Куманово со нож повредил полицаец

Горан Наумовски

19 годишник дивеел и кршел во полиција во Куманово, нападнал и полицаец

МВР: Приведени се разбојниците кои пукаа и ограбија кумановец

Дефект на трафостаница ги остави кумановци од центарот на градот без струја

Горан Наумовски

Повеќекратно убиство во кумановско: Два сина и мајка застрелани од нејзиниот брат

Орце Костов

Куманово објави повик за оброк за ранливите категории граѓани