Објавена монографија „Гордоста на Кавадарци“ од Тимчо Апостоловски

Од:

Од печат излезе монографијата „Гордоста на Кавадарци“. Автор на книгата е Тимчо Апостоловски.

-Исполнет со љубовта за својот град, за сојот и пријателите на семејството, со желба од себе да ги излее позитивните чувства за своите сограѓани, Тимчо Апостолов ја направи книгата „Гордоста на Кавадарци“ како свој придонес за разбирање и признателност кон луѓето од својот град, вели проф. д-р Кирил Темков.

Во „Гордоста на Кавадарци“, на 380 страници е преставен патот до успехот на генералниот директор на Алкалоид – Трајче Мукаетов, на сопствениците на „ИГМ трејд“ – Илија Гечев, на КАМ маркети – Гоце Камчев, на винаријата Попова кула – Јордан Трајков, како и историјатот на компании како што се винарската визба Тиквеш, Дрекслмајер, Еуро никел индустри, Алијанс уан, Кожувчанка, Градба промет, Машино коп.

Книгата раскажува и за животните приказни на Никола Бадев, Васил и Зафир Хаџиманов, Љупчо Каров –Бубо, спортистите Тодор Гечевски, Врбица Стефанов, Петар Ангелов – Диви, Вуко Каров, Петар Анѓушев, Блажо Малинков, Димче Кичевски – југословенски и балкански првак и носител на бронзен медал од Европското првенство во карате, раскажани се и стории за фудбалскиот, кошаркарскиот и ракометниот клуб „Тиквеш“.

Прикажани се портрети на сите градоначалници на Кавадарци од 1946 до денешен ден, како и портрет на писателите Томе Арсовски, Петре Бакевски, Васил Мукаетов,Блаже Миневски, на Димитрија Ангелков – професор доктор по компјутерски науки, иноватор, креатор на „паметните“ канти за ѓубре и интерактивни табли, на Анче Наневска – сомелиер, доцент за храна и вино, независен консултант на интернационални компании во Рим и Лондон, Костадин Камчев сопственик на престижното музичко студио „Моцарт“ во САД.

Би можело да ве интересира

Промоција на книгата „Осврти – рефлексии, илуминации и реминисценции“ од Виолета Калиќ

Ана Ололовска

Објавена книгата „Македонија меѓу уништувањето и самоуништувањето од проф. д-р Стефан Влахов-Мицов

Ана Ололовска

На Деновите на македонската книга во Москва претставена „Послание. Поезија на Блаже Конески на руски”

Ана Ололовска

„COMPENDIUM PHILOSOPHIAE“ – нова книга од д-р Бошко Караџов во издание на „Аз-Буки“

Ана Ололовска

Конкурс за текстови по повод 70-годишнината на литературното списание „Современост“

Ана Ололовска

Објавена монографијата „Дописниот шах во Македонија“

Ана Ололовска