Објавен романот „Суво мастило“ од Владимир Илиевски

Од:

Издавачката куќа „Македоника литера“ го објави романот „Суво мастило“ од Владимир Илиевски, кој го опфаќа бурниот период на преминот меѓу 19 и 20 век во неколку средини во Европа.

Тој раскажува за животните патишта на хрватски инженер и пронаоѓач и на македонски чорбаџиски син, студент по музика во Дрезден, кои се сечат во временски, просторни и судбински точки, а тие отвораат моќни егзистенцијални прашалници кои не се поврзани само со времето и просторот, туку се и универзални. Романот се одвива на три нивоа, т.е. три приказни раскажани во прво лице еднина од аспект на трите главни лика.

– Авторот вешто ја користи историјата како моќна, објективна и вистинита книжевна подлога, а истовремено гради субјективен книжевен однос и перцепција кон таа вистинитост, наведува издавачот.

Владимир Илиевски (Скопје, 1970) е поет, прозаист и книжевен теоретичар. Дипломирал и магистрирал на Филолошкиот факултет во Скопје. Објавил стихозбирки, кои се преведени на повеќе јазици, како и книга раскази и книга од областа на книжевната теорија, „Суво мастило“ е негов прв роман. Наградуван е на анонимни конкурси за поезија и за проза во земјава и во странство.

Би можело да ве интересира

Објавен превод на чешкиот роман „Теорија на чудноста“

Ана Ололовска

Онлајн-промоција на книгата „Да се почне одново“ од театрологот и универзитетски професор Драган Клаиќ

Ана Ололовска

Отворен конкурс за традиционалните годишни награди на ДПМ

Ана Ололовска

Објавена книгата „Потпалувачи“ од ирската писателка Јан Карсон

Ана Ололовска

Објавена „Амбиент“ – книга четврта на Зоран Иванов

Ана Ололовска

Литературен конкурс по повод „Вапцарови бранувања“ во Делчево

Ана Ололовска