Новогодишна програма на МКЦ под слоганот „Чао 2020“

Од:

Младински културен центар денеска соопшти дека е подготвена специјална новогодишна програма со концерти, диџеи, готвење, смеење, поезија и по некој поздрав и честитка од публиката на МКЦ.

Под слоганот „Чао 2020“, новогодишната програма ќе се емитува на 31 декември 2020 со почеток во 20 часот на фејсбук-страната на МКЦ, на нивниот јутјуб-канал и премиерно на локалната скопска телевизија Едо.

-Како организатори и домаќини на скоро 400 поединечни настани/содржини во 2020, концерти, театарски премиери и претстави, изложби, поетски читања и литературни промоции, филмови под отворено небо, CINEDAYS филмски фестивал низ цело Скопје, „ЗДРАВО МЛАДИ“ музички фестивал во срцето на Скопје, МОТ театарски фестивал во јубилеј од 45 години постојан континуитет и 15 продукции, редно беше да се пробаме и со новогодишна емисија. Конципираме програма што и ние би сакале да ја гледаме доколку сме дома пред екраните, а не на работа, која повторно на драго срце, сепак сами си ја накалемивме, се вели во соопштението од МКЦ.

Во рамки на шестчасовната програма од студиото на МКЦ ќе настапат: Funk Shui, Стојче со диџеј сет од Берлин, Диџеј Фиц со специјален микс топла музика од Порто, Александар Велики, Дина Јашари, Васко Атанасоски, Суперхикс, Rush To Relax или Дамјан Маневски од Љубљана, Atheist Rap со специјален биенален настап за МКЦ од Нови Сад, јавување од подземјето од Shock Troopers и малку џез со Zulu 3.4.

Покрај музичките настапи, со специјален готвачки сет ќе настапи и Никола Исаиловски или познат како Fat Cacko од неговата Fat Kitchen.

МКЦ најавува дека за програмскиот дел што е одреден за хумор ќе настапат Vlad Ilich и Marko Dejanovic, нови, но супернадежни артисти во мегаконкурентниот свет на стендап-комичари. Vlad Ilich како емигрант од Куманово во светски Лондон, успева полека но сигурно да се пробие на лондонската стендап-сцена со своj специјален настап и за Би-Би-Си, а сега и прв пат во земјава и за МКЦ. Во рамки на програмата ќе има и поезија во КЦ 750.

Би можело да ве интересира

Костадиновска Стојчевска: Да се одложат одредени проекти во МКЦ додека да се реши статусот на хонорарците

Синдикатот на МКЦ бара надлежните институции да најдат решение за хонорарно ангажираните лица

Горан Наумовски

Отворање на изложба „Кобалт Синергија“ во МКЦ

Горан Наумовски

Бени Шаќири нов директор на МКЦ

VILLAGERS OF IOANNINA CITY за прв пат во Скопје

АНДЕРФЕСТ ќе се одржи петти пат на 13.ти октомври во МКЦ