Нов театарски проект на Центарот за култура Крива Паланка

Од:

Со прикажувањето на монодрамата „Жените на Шекспир”, Националната установа Центар за култура-Крива Паланка го претстави новиот театарски проект поддржан од Министерството за култура.

– Новата монодрама „Жените на Шекспир” ќе биде прикажана на јутјуб каналот на официјалната фб страница на Центарот за култура. Премиерата е закажана за утре, вторник, 24 ноември, во 20 часот. Се работи за театарската монодрама замислена како бриколаж, мозаик од женските ликови од трагедиите „Кралот Лир”, „Макбет”, „Отело” и „Хамлет”, олицетворени во еден женски принцип, комплетен поглед на женското писмо и код во овие стожерни драми од опусот на еден од најголемите мајстори на драмата – вонвременскиот Вилијам Шекспир. Како измешани бои на слика или уште подобро калеидоскоп се вртат силните карактери на ликовите:Дездемона, Офелија, Лејди Макбет и Корделија, впиени во една многузначна слика од бои емоции и мисли, изјави Глигор Цветковски, координатор на театарот при НУЦК, Крива Паланка.

Во претставата игра актерката Елизабета Стефановска, режијата е на Глигор Цветковски, костимограф Ванчо Василев, снимател Ѓорѓи Костовски, а звукот и монтажата се на Петар Спасовски и Александар Гоцев.

-Преку длабокиот и слоевит талент на актерката се отвораат и се мешаат одмаздата, љубомората, чедноста, невиноста со злото, жедта за моќ и власт, се делат на атоми и повторно се обединуваат карактерните особини, плотта и животниот сок на овие прототипови на женско писмо, поглед и разбирање на светот на луѓето, себе си, љубениот и сето она што Шекспир го вградил во нив брилијантно и безвремено, додаде Цветковски.

Би можело да ве интересира

Битолскиот театар со онлајн премиера на „И коњите ги убиваат, зар не?“

Ана Ололовска

Премиера на монодрамата „Последната лента на Крап” во МНТ

Ана Ололовска

Големата театарска сцена во Битола од денес го носи името Благој Стефановски-Баге

Актерот Висар Вишка разрешен од директорското место од театарот во Гостивар, инспекцијата утврдила неправилности

Ана Василевска

Професионалните театри со помалку претстави и посетители

Ана Ололовска

Драмско читање на текстови од пет млади македонски драматурзи

Ана Ололовска