Недела на турски филм ќе се одржува од 23 до 26 април, ќе бидат прикажани шест долгометражни и два документарни филма, а на проекциите ќе присуствуваат актери и режисери на филмови од програмата.
Филмската недела ќе се одржува во Меѓународниот балкански универзитет во Скопје и во кино „Милениум“. Ќе почне во вторник со филмот „Балкајмак“ снимен во земјава, во присуство на режисерот Онур Тан и актерите Турција Тарик Унлуоглу, Ѓуленај Калкан, Октај Кајнарџа, Јунус Емре Јилдиример, Мелиса Јилдиример и Сабина Тозија.
Ќе бидат прикажани и долгометражните филмови: „Хаос“; „Ајдеде – патување кон Месечината“; „Хуркуш – херојот на небото“; „Халеф“ и „Сите блаженства се возможни“ и документарните „Ѓобеклитепе“ и „Тамбурица“. По проекциите публиката ќе може да дебатира со гостите од филмските екипи.
ПНа 24 април ќе се одржи кинематографска работилница на Турција – Северна Македонија, која ќе овозможи продлабочување на соработката меѓу филмските автори од двете земји.
За затворањето на Неделата на турски филм на 26 април ќе гостува Балканскиот симфониски оркестар на Универзитет „Тракија“ од Турција.
Неделата на турски филм се организира со поддршка на Генералниот директорат за кинематографија при Министерство за култура и туризам на Турција.