„Недела на шпански филм“ во битолскиот Центар за култура

Од:

НУ Центар за култура во соработка со Амбасадата на Кралството Шпанија и Кинотека на Северна Македонија од денеска до 28 октомври организираат „Недела на шпански филм“.

Културната манифестација за филмофилите почнува вечер со свечено отворање во 20 часот во малата сала на Центарот за култура и проекција на документарниот филм „Омега“.

-Станува збор за музички документарец за албум со песни во кои се испреплетени панк-рок музиката на шпанскиот бенд Лагартија Ник, стиховите и музиката на Леонард Коен (1934 – 2016), стиховите Лорка (1899 – 1936), трагичниот поет и јунак на Шпанската граѓанска војна, со гласот на легендата на фламенкото Енрике Моренте (1942 – 2010), најавија од секторот за односи со јавност на НУ Центар за култура-Битола.

Во рамките на „Неделата на шпански филм“ ќе бидат прикажани филмовите „Духот на пчелната кошница“, „Девет писма за Берта“, „Национално наследство“, „Ракетата од Калабуч“, „Матахарис“ и „Невините светци“.

Кинопроекциите се бесплатни и ќе се реализираат во согласнот со мерките за Ковид, а бројот на места во салата е ограничен согласно протокол, посочуваат од НУ Центар за култура-Битола.

Би можело да ве интересира

Награда за играниот филм за деца „Стела“ на фестивал во Индија

Ана Ололовска

Друштвото на филмските работници одбележува „50 години македонски анимиран филм“

Ана Ололовска

Арбен Тачи доби награда за најдобар дебитантски режисер на Фестивал во Монтреал

Ана Ололовска

Во Гевгелија прикажан филм за женски поворки од Долни Подлог

Ана Ололовска

Потпишан договор меѓу „Скопје Филм Студио” и „Public Media Group” – филмот „ХОМО“ ќе се прикажува во Америка

Ана Ололовска

Меѓународен фестивал на филмски сценарија „Скрипт фест”

Ана Ололовска