„Најсреќниот човек на светот“ и „Македокс“ добија поддршка од Креативна Европа МЕДИА

Од:

„Најсреќниот човек на светот“ – новиот филм во развој на продукцијата „Сестри и брат Митевски“ во режија на Теона Стругар Митевска, доби поддршка од Креативна Европа МЕДИА во износ од 30.000 евра на повикот за „Развој на проекти“.

Филмот е по сценарио на Теона Стругар Митевска и Елма Татарагиќ и ќе биде претставен на Канскиот филмски фестивал пред повеќе продуценти, дистрибутери, продажни агенти, фестивалски селектори како дел од програмата за развој на проекти Ателjе. Филмот „Најсреќниот човек на светот“ ја доби и првата награда за развој на проект од Еуроимаж во висина од 20.000 евра во рамките на маркетот Синелинк на Сараевскиот филмски фестивал.

Воедно, минатата недела МЕДИА Деск МК официјално објави и дека фестивалот на креативен документарен филм „Македокс“ петта година по ред доби поддршка од Креативна Европа МЕДИА на повикот за Фестивали .

– Поддршката за „Македокс“ се однесува за изданието во 2020-та година и изнесува 27.000 евра. Фестивалот „Македокс“ веќе го најави и партнерството со три фестивали на документарен филм (ДОК.фест Минхен, Докс Барселона и ФИПАДОК) со кои заедно ја формираат мрежата ФестДокс Нетворк. Партнерството меѓу овие четири клучни фестивали за документарни филмови е резултат на заедничката цел за поддршка и промоција на исклучителните креативни документарни филмови, како и зголемување на нивната достапност кон што поголема публика, соопштуваат од Креативна Европа МЕДИА Деск МК.

Би можело да ве интересира

Престижниот „Карлови Вари“ го селектираше македонскиот филм „Снежана на крајот умира“,кој е поддржан од Агенцијата за филм

Ана Ололовска

ДФРМ едногласно ги поддржа мерките за спас на филмската фела и македонската кинематографија

Ана Ололовска

Започна снимањето на хрватско-македонскиот филм „Таја носеше црлена шамија“

А1он

Премиера на краткиот филм „Вистината за Бади“

Ана Ололовска

Агенцијата за филм застапена со е-павилијон на Филмскиот маркет на Канскиот фестивал

Ана Ололовска

Македонија станува дел од ревидираната Европска конвенција за кинематографска копродукција

Ана Ололовска