Наградата „Франческо Петрарка“ за поетот и академик Василевски

Од:

Угледната италијанска меѓународна награда што го носи името на славниот италијански поет и хуманист Франческо Петрарка му е доделена на поетот и академик Ристо Василевски за неговиот голем придонес во светската поезија.

Вчера беа соопштени имињата на годинашните добитници на угледната меѓународна награда „Франческо Петрарка”, односно на лауреатите на Меѓународниот книжевен и уметнички фестивал, што секоја година наизменично се одржува во Италија, Германија и Украина.

Меѓу добитниците на ова големо признание за голем придонес во поезијата, покрај Василевски, се наоѓаат и академик Раул Чилачава, угледен грузиски и украински поет, универзитетски професор и дипломат, Михас Пазњаков (Белорусија), Миќо Цветиќ (Србија) и Паул Полидор (Романија), а за голем придонес во областа на прозната уметност наградата ја доби светски познатиот писател Роланд Сеисенбаев (Казахстан).

Годинашен организатор на Меѓународниот книжевен и уметнички фестивал беше Меѓународната академија „ЛИК” (Германија), која обединува автори и дејци од областа на литературата, уметноста и комуникациите од разни земји. На чело на овој фестивал се наоѓа поетесата, раскажувач и ликовен критичар Олена Ананиева.

Би можело да ве интересира

Младата поетеса Ивана Јовановска ќе учествува на Саемот на книга во Лајпциг

Предраг Петровиќ

Трет Скопски поетски фестивал

Предраг Петровиќ

Промовирана стихозбирката „Ризница” од Мира Георгиевска

Реномираното меѓународно списание „Версвил“ објави тематски број „Поезија од Македонија“

Даниела Андоновска-Трајковска е добитник на романската награда за поезија „Михаи Еминеску“

Предраг Петровиќ

Промоција на стихозбирката „Куќа во куќа“ од Гордана Михаилова-Бошнакоска

Ана Ололовска