Со строг протокол кој го почитуваат сите до еден почна концертот на „Архангел“ во рамки на „Таксират“.
Фронтменот на групата, Ристо Вртев, пред почетокот на песната Превез повика на почитување на мерките, бидејќи само така ќе ѝ се помогне на културата.
“Уметноста не се јаде во чинија, но таа е насушна потреба, особено во вакви времиња. Никогаш во животот не сум имал концерт во ваква атмосфера, но се надевам дека сите заедно ќе успееме да ни биде убаво”, рече тој.
Сцената во Борис Трајковски има одлична сценографија, звукот е одличен, а седумчлениот бенд е на висина на задачата.
При влезот се мереше температура на секој посетител, се вршеше дезинфекција, а столчињата се поставени на растојание на два метри и смее да седи по еден човек.
Ова е прв рок-концерт на Архангел на кој не е дозволено играње.